La 6an de novembro, en la 2a Foiro de Tradicia Ĉina Medikamento en Tri Gorĝoj, vizitantoj aĉetis la tradician ĉinan medikamenton ĉe la vendejo de la distrikto Kaizhou. En la lastaj jaroj la distrikto Kaizhou de la urbo Chongqing, situanta en la interno de la akvokonservejo Tri Gorĝoj, disvolvis la plantadon de karakterizaj tradiciaj ĉinaj drogaĵoj. En 2019, la ampleksa produktvaloro kalkuliĝis al unu miliardo da juanoj kaj preskaŭ 30 000 homoj realigis stabilan elradikigon de malriĉeco.
